Ա տառի շնորհանդես Զոլաքարի թիվ մեկ դպրոցում

2018 թ.  հոկտեմբերի 20_ին Զոլաքարի թիվ 1 դպրոցի  առաջին դասարանում հանդիսավորությամբ նշվեց Ա  տառի  ծնունդը ։ Լուսավոր ու ջերմ դասասենյակը զարդարված էր տոնականորեն. փուչիկներ, ժապավեններ,  պաստառներ։

Տոնը սկսվեց ուսուցչուհու ՝ Ռուզան Ավետիսյանի մուտքի խոսքով։ Նա նշեց , որ Ա  տառի  ծնունդով երեխաների առջև բացվում է մի խորհրդավոր ու  զարմանահրաշ աշխարհի դռները, որը կոչվում է  Գիտելիքների աշխարհ ։

Հարց ու պատասխանի փուլով ամփոփվեցին  նախայբբենական շրջանում երեխաների ստացած գիտելիքները՝տառի, հնչյունի, վանկի, բառակապակցության ու նախադասության վերաբերյալ։ Հետո դասարանում հյուրընկալվեց պայծառ արևը՝ իր ջերմությամբ, լույսով ու բարեմաղթանքներով։

Երեխաները հերթով գովաբանեցին ու փառաբանեցին Արևին,երգեցին նրան նվիրված երգեր։Այնուհետև միասին պարզեցին, թե դասարանում ում անունն է սկսվում  Ա տառով, ում անվան մեջ այն կա։Վերլուծեցին ու վանկատեցին բառեր՝ առանձնացնելով Ա տառը։

Հաջորդ անակնկալը թաքնված Այբբենարանն էր՝ մեծադիր նկարում՝  իր Ա  տառի  էջով։

Երեխաները գտան նկար_պատմության բոլոր հերոսներին , որոնց անուններն սկսվում էին Ա տառով ։

Վերջում ներս բերվեց տոնական տորթը , որը խորհրդանշում էր Ա տառի ծնունդը։

Նման տոնական ու զվարթ մուտքը ՝ դեպի գիտելիքների մոլորակ , կապահովի այնտեղ երեխաների վստահ ու անշեղ առաջընթացն ու կնպաստի նորանոր հրաշքների բացահայտմանը։

Հայաստանի յոթ և բյուր հրաշալիքները

Զոլաքարի N1միջնակարգ դպրոցի IV դասարանում  տեղի ունեցած բաց դասը մայրենի առարկայից էր:
Դասը կրում էր «Հայաստանի յոթ և բյուր հրաշալիքները» խորագիրը: Դասվար Ս. Մազուլյանն իր  խոսքում նշեց,  որ յուրաքանչյուր մարդ իր հերթին մի  հրաշալիք է և պետք է իր մասնակցությունն ունենա սեփական հայրենիքի  ապագայի կերտման գործում: Աշակերտները բաժանվել էին խմբերի,  յուրաքանչյուր խումբ ներկայացնում էր մեկ հրաշալիք։Պատրաստել էին նաև իրենց ներկայացրած հրաշալիքը բնութագրող պատառներ։Բոլոր  խմբերն էլ ամենայն մանրամասնությամբ և սիրով  ներկայացրին Հայաստանի հրաշալիքները: Յուրաքանչյուր աշակերտ հրաշալիքը յուրովի էր ներկայացնում՝ մեծ ոգևորվածությամբ և հիացմունքով: Դասի ընթացքում ընթերցվեցին նաև շարադրություններ , որոնք մրցութային էին։Իսկ վերջում բոլոր աշակերտները միասին բեմականացրին «Սասունցի Դավիթ » էպոսից հատված։

Դասը ճանաչողական և ուսուցողական բնույթ էր կրում, ընթացքը բավականին հետաքրքիր էր , և ներկաները իրենց հետ տարան լավ տպավորություններ։

Մկրտիչ Սանասարյանի 200_ ամյակին նվիրված միջոցառում Զոլաքարի թիվ մեկ դպրոցում

Այսօր դպրոցում  կազմակերպված
հերթական միջոցառումը նվիրված էր մեծ բարերար Մկրտիչ Սանասարյանի ծննդյան  200_ամյակին։ Միջոցառման ընթացքում աշակերտները տեղեկություններ հաղորդեցին նրա կենսագրության և  ծավալած գործունեության վերաբերյալ, խոսեցին նրա հիմնած Սանասարյան վարժարանի մասին, որը գտնվում է Կարինում։

Ուսուցչի տոնը Զոլաքարի թիվ մեկ դպրոցում

Հոկտեմբերի 8_ին Զոլաքարի թիվ  մեկ  միջնակարգ դպրոցում տոն էր։Կազմակերպիչ Մերի Սաղաթելյանի նախաձեռնությամբ և բարձր դասարանների աշակերտների  մասնակցությամբ տեղի ունեցավ գեղեցիկ միջոցառում՝ նվիրված ուսուցչի տոնին։Միջոցառման սկզբում ներկաները նախ մեկ րոպե լռությամբ  հարգեցին  մեծն հայորդու՝ Շառլ  Ազնավուրի  հիշատակը , այնուհետև  սկսեցին միջոցառումը։Աշակերտները իրենց ելույթներով   շնորհավորեցին ուսուցիչներին,  նրանց հասցեին հնչեցրին երախտիքի  ու մեծարման  խոսքեր, ինչը փաստում էր այն մասին, որ ուսուցչի դերը միշտ էլ ամենակարևորն ու առաջնայինն է եղել յուրաքանչյուրիս կյանքում։


Մոմավառություն՝ ի հիշատակ Շառլ Ազնավուրի

Այսօր՝ հոկտեմբերի  5-ին ,Զոլաքարի թիվ1 միջնակարգ դպրոցի 7_ րդ դասարանի դասղեկ Ռիտա Խաչատրյանի նախաձեռնությամբ տեղի ունեցավ մոմավառություն՝ ի հիշատակ մեծանուն հայ Շառլ Ազնավուրի ։ Արարողությանը մասնակցեցին նաև դպրոցի մանկավարժները։Մոմավառությունն ընթացավ մեծն շանսոնյեի ստեղծագործությունների հնչյունների ներքո՝  ինչը  առավել տեսանելի դարձրեց  ներկաների սրտերը համակած  հուզումն ու թախիծը։

Անկախության 27-րդ տարեդարձը Զոլաքարի թիվ1 միջնակարգ դպրոցում

2018թ. սեպտեմբերի 20-ին Զոլաքարի թիվ1 դպրոցում իշխում էր տոնական տրամադրությունը:  Գեղեցիկ զարդարված դահլիճում նշվում էր Հայաստանի երրորդ հանրապետության անկախության 27-րդ տարեդարձը՝ << Դու ՛ հավերժող իմ Հայաստան>> խորագրով: Միջոցառման մասնակիցները դպրոցի շնորհալի սաներն էին, ովքեր հանդես եկան թեմային համահունչ երգերով, պարերով և բանաստեղծություններով : Պատրաստել էին նաև փոքրիկ բեմականացում:

Միջոցառման նպատակն էր՝ աշակերտնեերի մեջ բարձրացնել հայրենասիրական ոգին ,   այդքան մեծ դժվարությամբ ձեռք բերված ազատությունն ու անկախությունը  պահպանելը  դարձնել նրանց   գերագույն նպատակը: 

Գիտելիքի , գրի և դպրության տոնը Զոլաքարի թիվ 1 միջն. դպրոցում

Ս/թ սեպտեմբերի  1-ին  ՀՀ Գեղարքունիքի մարզի Զոլաքար գյուղի թիվ1 միջն. դպրոցի բակում տեղի ունեցավ  << Ողջույն քեզ , դպրո՛ց>>  առաջին զանգ միջոցառումը՝ նվիրված գիտելիքի և դպրության օրվան: Միջոցառմանը ակտիվ մասնակցություն ցուցաբերեցին  դպրոցի աշակերտները: Ներկաներին իրենց ողջույնի և շնորհավորանքի  խոսքերը  հղեցին դպրոցի տնօրենն ու փոխտնօրենը, ինչպես նաև  բանակի 2-րդ կորպուսի ներկայացուցիչը:Միջոցառման ընթացքում տեղի ունեցավ առաջին դասարանցիների երդման արարողությունը:

 

 


Շաբաթօրյակ Զոլաքարի թիվ 1 միջնակարգ դպրոցի աշխատակիցների և աշակերտների մասնակցությամբ

“Մաքուր մոլորակ” միջոցառման շրջանակներում Զոլաքարի թիվ 1 միջնակարգ դպրոցի աշակերտական և մանկավարժական  կոլեկտիվը ցուցաբերեց բարձր ակտիվություն՝ մաքրություն իրականացնելով Սևանա լճի ափամերձ  հատվածում։